Voorwoord

Voorwoord (Lees asb eers, indien dit u eerste keer by hierdie blog is, anders kan u gerus met die blad afrol ondertoe om by die blog uit te kom)

Daar het ‘n gedagte in my opgekom toe ek nog redelik jonk was, dat alles wat geskryf of gedruk is nie die volle waarheid is nie. Later het ek besef dat alles wat gelees kan word, bestaan uit kaf en korrels. Nog later het ek besef dat niks in die materie volmaak is nie, daarom kan geen geskrif net uit korrels bestaan nie. Die geskrifte wat jy voor jou het, liewe leser, moet asseblief op dieselfde grondslag beoordeel word. Ek vra jou nie om alles wat jy lees te aanvaar nie, maar soek die korrels volgens jou begrip en gewete uit.
Ongeveer halfpad deur my lewe het ‘n argument, in ‘n baie goeie gees met ‘n goeie vriend van my plaasgevind. Die vriend is ‘n seviele ingenieur en ons het gepraat oor ‘n ontwerp van ‘n staalbalk wat verkry kan word deur ‘n bestaande I balk tandvormig te sny en dan die “tande” op mekaar vas te sweis om ‘n groter balkdiepte en dus ‘n groter dravermoë te verkry.

Fig. 1
‘n Solide I balk word tandgewys gesny en dan word die twee helftes teenoor mekaar geskuif en weer aan mekaar gesweis om weer ‘n dieper I balk te vorm.
Fig. 2
Die vergrote I balk wat meer as 3 keer die dravermoë van die oorspronklike balk sal hê, sonder dat die gewig vermeerder.

Hierdie mag vir die leek ‘n bietjie te tegnies wees, maar wees egter geduldig, ek probeer die verskil in siening verduidelik.
My argument was dat sweislas S nie te kort mag wees nie, want dit sal tot gevolg hê dat die las gaan skuifskeur (shear). Hy het gesê daar is nie daardie soort spanning in die middel van ‘n balk nie. Eintlik was ek met my matriek ‘n bietjie vermetel om met ‘n ingenieur te stry oor iets in sy vakgebied. Ons verskil het gekom omdat ons die voorwerp verskillend gesien het. Hy het Fig. 2 as ‘n eenheid gesien, wat dit werklik was! Daarteenoor het ek dit as twee aparte balke gesien, omdat as sweislas S korter word, beweeg dit nader na 0, wanneer dit werklik twee balke is. Op een of ander lengte van die sweislas sou dit skuifskeur. Die ingenieur het later toegegee dat ek reg was, maar dit is nie van belang nie. Wat ek probeer tuisbring is dat verskillende mense op verskillende maniere na ‘n geskrewe stuk kyk en ek gaan geensins ‘n leser kwalik neem indien hy of sy van my verskil nie.
Dat ek met die geskrifte op mense se tone gaan trap is onvermydelik, maar as dit nie die geval was nie; waarom skryf ek dan? Indien die leser net ‘n paar “korrels” ontdek, is ek verheug en weet ek dat dit die moeite werd was. Sien tog maar die teenstrydighede oor, soos wanneer ek bv. snedigheid veroordeel terwyl ek self dikwels snedige dinge skryf. Ek self is baie ver van volmaak af, sien tog maar die foute oor.
Ook is ek nie ‘n taalkundige nie en daar is beslis baie ruimte vir verbetering, om vloeiende leesgemak te verseker, maar ek vra tog dat verandering versigtig gedoen moet word, aangesien ‘n woord verandering ‘n bedoelde begrip verlore kan laat raak.

Thursday, February 11, 2016

Instinktiewe handeling



Instinktiewe handeling
           
            Dikwels hoor ‘n mens dat iemand gedurende ‘n noodsituasie instinktief opgetree het. Wat het op daardie oomblik gebeur?
            Die mens het ‘n vrye wil wat deur sy siel beheer word, maar die menslike siel en liggaam het ‘n beperkte vermoë. Die siel met beplanning en die liggaam met reaksie. Die Skepper van die argiteksplan of orde, ken elkeen van die drie ordes in die heelal haarfyn, maar Hy ken ook die vermoë van elke afsonderlike wese, wat in elkeen van die ordes bestaan!
            Van orde een [die geestelike] weet ons maar weinig, want ons ken net ten dele en sal verder leer wanneer ons daardie orde betree.
            Van orde twee kan ‘n oplettende mens baie leer, ook dat daar geen vrye wil bestaan nie. Alles in hierdie ‘jy moet’ orde word beheer deur Elohim self deur middel van instink.
            Wat gebeur in orde drie? Dit is nou die orde vir die mense wat van ‘n vrye wil voorsien is. Hierdie mense besluit self oor hulle optrede. Hulle kan hulle vermoë oorskat en dan in ‘n noodsituasie beland, of hulle kan onverwags in ‘n eintlik onhanteerbare situasie in loop. Wanneer die mens byvoorbeeld ‘n gevaar zone of situasie nader, sal Elohim hom nie toegang belet nie, want sodoende sou Hy Sy eie orde misken en jou van jou menswees ontneem. Hy kan iets laat gebeur, wat sonder direkte beletsel, dit vir jou moeilik maak om voort te gaan, of Hy  kan jou toelaat om voort te gaan, volgens jou vrye wil, totdat jy in die noodsituasie beland en jou beplannende siel en uitvoerende liggaam nie die vermoë het om die noodtoestand die hoof te bied nie. Normaalweg sou die liggaam erg beseer word of selfs sterf, maar nou tree Hy in en beskerm jou deur jou vermoëns blitssnel te aktiveer tot die vlak van dit in die tweede orde. Jy word nie gedwing nie, maar jou optrede is versnel en dit word gesien as en is werklik instinktiewe optrede. Jy oorleef as gevolg van die “over ride” van normale derde orde reaksie. Dit gebeur onbewustelik, maar is ‘n liefdesdaad deur ‘n alwyse Skepper.    
Posted by at

No comments:

Post a Comment

Subscribe to: Post Comments (Atom)